Ky Program i Kujdesit Shëndetësor Ndërkombëtar^®është organizuar nga punëdhënësi juaj. Ai është një program për mbrojtjen e shëndetit që ju ofron:

• Mundësinë për të marrë një opinion të dytë mjekësor nga një specialist;
• Mbulimin për shpenzimet mjekësore, të udhëtimit dhe të strehimit, si dhe përfitime të tjera kur merrni trajtime për sëmundje specifike të rënda në spitalet kryesore ndërkombëtare jashtë shtetit ku banoni/punoni;
• Rimbursimin e shpenzimeve mjekësore kur të ktheheni në atdhe.

Me identifikimin e diagnozës, programi nuk paguan një shumë të vetme “lump-sum”, por ofron mbulimin për koston e trajtimit, duke përfshirë organizimin e udhëtimit dhe të strehimit deri në nivelin e shumës së siguruar dhe limiteve individuale të përcaktuara në Planin e e Përfitimeve të Programit.

Shërbimet në këtë Program ofrohen në bashkëpunim me:

• Best Doctors: kompania përgjegjëse për dhënien e një opinioni të dytë, e njohur edhe si InterConsultation^®;
• Further Underwriting International (Further): kompanitë përgjegjëse për ofrimin e shërbimeve të kujdesit mjekësor dhe jo mjekësor në lidhje me organizimin e trajtimit jashtë shtetit.

Programi ofron:

Shërbimin e ofrimit të një opinioni të dytë mjekësor nga një specialist ekspert, i cili mund të kërkohet në çdo kohë dhe
mbulimin e shpenzimeve të trajtimit jashtë shtetit ku banoni/punoni për gjendjet shëndetësore dhe procedurat mjekësore si më poshtë:

• Trajtimi i kancerit
• Kirurgjia e bajpasit për arterien koronare
• Zëvendësimi ose riparimi i valvulës së zemrës
• Neurokirurgjia
• Transplanti i organeve nga dhurues të gjallë
• Transplanti i palcës së kockës

Ky Program do të paguajë për:

• Kostot dhe shërbimet e shtrimit në spital
• Shpenzimet për udhëtimin dhe strehimin
• Kostot për riatdhesimin
• Kostot mjekësore

Shënim: Sa më sipër është objekt i kushteve të përgjithshme të Programit. Për detaje specifike se çfarë mbulon dhe çfarë nuk mbulon Programi, referojuni Udhëzuesit.